NIVEA

果萃雙效C&E淨白潤亮精華凝乳

最近天氣又焗又潮濕，夜晚沖完涼之後，我都成日好怕搽到啲黐立立、太厚重嘅身體乳，所以揀產品嘅時候，最重視就係質地夠唔夠輕盈同舒服。好多謝今次cosme抽中咗我試用NIVEA果萃雙效C&E淨白潤亮精華凝乳，最初吸引我嘅就係佢主打可以幫肌膚補水同提亮，對我嚟講幾啱，因為本身皮膚都有少少乾燥，同埋睇落偏暗沉，特別係手臂同身體膚色唔算太均勻，所以一直都好想搵一支可以同時做到保濕同美白感覺嘅產品。試咗之後，覺得佢唔係嗰種只係得表面滋潤嘅身體乳，而係真係有心機去幫肌膚慢慢調理返，呢點幾加分。
第一個感覺就係佢質地真係幾易推開，而且吸收得好快，唔需要搽好多都已經可以推勻成大片肌膚。佢唔會有油膩或者笠住皮膚嘅感覺，反而係搽完之後摸落幾潤滑，質地輕盈得嚟又有一定滋潤度，對我呢啲一到夏天就唔鍾意太黐立立嘅人嚟講真係幾適合。尤其係我本身皮膚有少少乾，夜晚沖完涼之後如果冇即刻搽嘢，皮膚就會有啲繃緊同乾，呢支用落就剛剛好，唔會太厚潤，又唔會揸完得陣風，用完明顯肌膚有光澤咗。加上佢加入咗維他命 C、穀胱甘肽、維他命 B3 同維他命 E 呢幾種成分，感覺上比一般身體乳更加有針對性，唔只係保濕咁簡單，而係真係會修護同提亮。最明顯嘅變化係用咗一段時間之後，皮膚冇咁暗啞，睇落都透亮咗少少。睇返Before 張相自己啲肌膚會比較乾，同埋成個膚色睇落有少少灰灰黃黃，冇乜光澤感， 摸落都冇咁滑；但用完15日後明顯見到膚色均勻咗，暗沉感冇咁明顯，最重要係摸落真係滑咗同潤咗。雖然唔係話一下子變白，但係嗰種慢慢改善、慢慢變得有光澤嘅感覺，反而令我覺得更加真實同有說服力。對我嚟講，呢支幾適合夏天前後用，清爽得嚟又有潤感，建議同埋佢啲防曬凝乳就啱啱好～美白真係一場持久戰，大家加油！