CLARINS

賦活雙精華Double Serum

呢款係我愛用嘅精華之一，特別係去旅行嘅時候，好鐘意帶住佢幫手穩定肌膚狀況，隨時保持靚樣打卡。

精華有微微香味，聞落好舒服。佢係水、油合一嘅精華，搽上面之後形成一層保護膜，減低皮膚嘅水份流失，達到保濕功效。雖然佢含有油份，但使用期間冇因為咁而生過油脂粒、痘痘。早晚使用，朝早起身就發現皮膚多咗一份光澤感同滑咗，細緻度亦有所提升。所以我咁鐘意帶去旅行傍身，可以喺短時間提升皮膚質素，即使早出晚歸嘅行程，都可以保持到皮膚狀態。