CLARINS

賦活雙精華Double Serum

今次用嘅係Clarins Double Serum, 呢個牌子嘅精華其實一路都好出名，應該係大家都識，但係我就一路都未用過，今次係第一次試用。

因為工作嘅關係，平時瞓覺嘅時間同埋食嘢嘅時間都係唔定時嘅，而且會成日喺冷氣嘅地方或者比較乾燥嘅地方逗留好耐。 所以我嘅皮膚係比較乾燥，而且呢額頭最近都出現咗啲乾紋同埋有少少暗沉。

精華一擠出嚟呢就其實都見到佢有兩種顏色，水同油係清楚可見嘅。我就將佢哋撈 勻左之後先搽上面。雖然有油，一搽上面嗰刻塊面會立立令，但係吸收得好快而且嗰種光澤感都有維持喺塊面度。連續用咗幾日之後呢，可以睇到我嘅before after 相上面，額頭嘅紋係減少咗好多。

用咗一排之後，我覺得佢嘅保濕度比較高，而且呢喺淡化細紋嘅能力好強，用完之後肌膚有滿滿嘅光澤感，有少少似韓國水光肌嘅感覺。

(Before 嗰張相喺黃燈之下影，相對呢其實係比較難睇到啲紋，但係都清晰可見，after係響日光嘅情況之下影，我額頭嘅凹位呢因為燈光關係呢，都顯得比較清晰， 所以呢其實咁樣睇我嘅細紋係少咗好多)