CLARINS

賦活雙萃精華

感謝 @cosme 抽中我試用今次Clarins 的產品！今次試用的是Clarins 的第9代 Double Serum 賦活雙精華 Double Serum ～

肌膚狀況方面：
試用前我屬於中性偏乾肌，最近皮膚有時會覺得繃緊，尤其笑紋位同面頰都會有少少乾紋。長時間對住電腦工作又少飲水，再加埋夜瞓、缺少運動等壞習慣，皮膚望落去暗沉冇精神，所以當知道呢支精華好適合我呢種懶人嗰陣，都好期待呢支精華嘅效果～

使用感受方面：
首先要大讚呢支精華係水+油雙層質地，真係做到潤而不笠，用落去比想像中輕盈！好滑易推，皮膚吸收得好快～用嘅時候聞到淡淡香味，我覺得幾舒服，好似做緊SPA咁🥰🥰 用完會有一層柔潤保護感，好似幫皮膚鎖咗水。第一次用已經覺得膚感滑啲，之後搽面霜都好貼服。整體使用過程舒服、冇過敏，感覺穩定，皮膚亦有種被滋潤嘅光澤感✨
使用兩星期後效果方面：
連續早晚使用咗接近兩星期，皮膚明顯穩定咗。乾紋位置冇咁明顯，毛孔收細咗，膚質比兩星期前更細緻，面色都比之前亮澤同精神，冇之前咁暗沉～左邊是試用前，右邊是試用兩星期後😃 膚況整體亦有改善，皮膚變得更柔軟同有光澤。
總結而言，呢支第9代 Double Serum 用落好舒服又夠保濕，特別適合轉季同而家天氣。短時間已經見到膚質改善，會考慮回購&長期使用😀