CLARINS

賦活雙精華Double Serum

太唔小心啦，一開始心得po錯左係舊版度，搬返過嚟先

先講講自己先
我係超乾肌 簡直係沙漠咁乾，同埋捽眼 所以眼底嚴重細紋
作息唔定時，永遠唔夠瞓，黑眼圈就黎大過熊貓
所以我最重視要補水，減紋同去黑眼圈，當然如果加埋美白緊緻收毛孔就更好。

clarins呢支serum，係樽裡面係水油分開兩層，唧出黎嘅時候先係手上混合，感覺咁樣最新鮮。塗上面唔立，而且好快吸收，有淡淡既香味（講唔出係咩味，類似花香）。

用左接近兩星期左右效果：
前：塊面泛紅，膚色唔均勻，毛孔粗大，同埋好乾，會間唔中覺得塊面好乾要飲水
後：泛紅好似少左，毛孔好似都細左dd，同埋好似唔會覺得塊面好乾。

大家可以自己睇相，為左對比效果公正d，我係同樣出左一日街（冇化妝）返到屋企未洗面，係同樣位置同樣燈光，用手機前置鏡頭直接影冇filter，相既唯一改動就係加左前同後呢兩個字。

結論，真係值得一試，至少我自己用完係覺得好舒服，用埋隻味都自然，最緊要係有效！而且好啱懶人，我基本上係toner然後就佢，乜其他步驟都冇，咁都見到有改善！不過而家係夏天，唔知佢冬天夠唔夠潤。