Essential

Essential Premium 18 – MEA 髮の屏障 絲滑柔順洗髮露

對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium絲滑柔順洗護系列，都好期待使用效果！


本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。


Essential Premium絲滑柔順洗護系列主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；再加上荷荷巴油、橄欖果油、角鯊烷等保濕成份，就可以同時深層滋潤受損嘅頭髮。



Essential Premium絲滑柔順洗髮露屬於比較杰身嘅洗頭水，以我嘅頭髮長度大約會吱三泵。亦因為比較杰，建議洗頭個陣頭髮要濕多少少水，咁就更容易起泡。洗髮露嘅豐盈泡沫，以及淡淡嘅茉莉花香味，都令按摩頭皮嘅過程好享受、放鬆。將洗髮露沖洗乾淨之後，將兩泵絲滑柔順護髮素搽喺髮尾位置，等1-2分鐘就可以沖走啦。

第一日試用，明顯感受到用後頭髮變得柔軟，訓完覺仍然保持到呢個狀態；用左接近7日之後，髮尾嘅柔順度有更加提升，望落無咁毛燥，同時帶有光澤。期待繼續使用嘅效果 😆