Essential

Essential Premium 18 – MEA 髮の屏障 光感水潤洗髮露

之前見到Essential Premium【光感水潤洗護系列】嘅呢個新系列都打算入手，因為把頭髮俾salon染壞咗，加上平時成日要用直髮夾，頭髮喺高温同染髮劑嘅傷害下已經好傷，好旱。用過好多產品都救唔到，唯有剪短佢，但係髮根位依然感覺到好傷。喺cosme抽中試用後好開心。本身係細軟髮質，中性頭皮，試用咗支洗頭水1次，已經feel到把頭髮飲飽水，個感覺好滑，但係一啲都唔笠，髮根仲好蓬鬆，撳落去都唔會扁。香港嘅天氣就算洗完頭都好，一出街，頭皮就會有少少頭油味，不過用完Essential Premium【光感水潤洗護系列】之後，好神奇咁個頭唔會再有油味，好清爽。而且成個系列浸香味仲好好聞，係好清新嘅花香味，聞落好舒服，洗完頭去到第二日都仲聞到。我呢把重度受損嘅頭髮，喺試用咗2日左右已經覺得救得返，好感動😭😭配搭埋同系列嘅護髮素，用少少已經夠，頭髮會feel到更加順滑。美容魔髮包更加出色，同平時用嘅髮膜好唔同，Essential 呢隻用完第二日都唔會笠，頭髮依然keep住飲飽水嘅feel。而且1包分量好多，我係短頭髮，1包可以分到3次用😂長頭髮應該都可以分2次用，好良心🥹🥹仲要係獨立包裝，嚟緊去旅行都會帶埋去，好方便