Essential

Essential Premium 18 – MEA美容魔髮包

對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！


本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩

Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。

美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。

使用左美容魔髮包之後，可以感受到頭髮變得非常順滑，髮尾打結嘅程度亦減少左一半有多。不過唔好貪心到日日用，一星期用一次已經可以keep到修護效果嫁啦！