CeraVe

去油抗瑕疵白泥潔膚露

好開心今次抽中咗 @cosme CeraVe嘅祛痘抗瑕系列試用邀請❤️

我自己一向好鍾意CeraVe呢個品牌，之前一直有用佢綠色嗰枝溫和潔膚露洗臉，然後間唔中會用淺色透明樽身嗰枝水楊露潔膚露for深層清潔。而潤膚方面，而家紫色嗰款skin renewing night cream搽臉，深藍色嗰兩款lotion同cream搽身。所以都算得上係呢個品牌嘅忠實用家🤣

咁講咗「去油抗瑕疵白泥潔膚露」先，我自己覺得呢一枝同我而家長放喺屋企間唔中用，透明樽身嗰枝水楊酸幾相似，而睇主要成份都近似。

首先喺質地上，呢款白泥潔膚露係稀身偏水狀嘅質地，唧喺手流動速度都幾快。另外佢濕水之後會起泡，起泡速度幾快，起泡量都幾多。

其次要講嘅係佢嘅成份同清潔度，呢款白泥潔膚係2%水楊酸，比原本呢個牌子透明樽嗰款0.45%水楊酸再高d，清潔度都會再高d。我自己本身用水楊酸洗臉嘅偏好係1個星期左右用1次，平時就用普通嘅溫和清潔，因為我本身唔係好多痘痘嘅膚質，唔想過度清潔，除非Period嗰度膚況唔好就會用多密少少。白泥呢款，我個人認為係比較適合需要高d清潔度嘅人嘅，例如油肌、多痘痘/粉刺嘅人，又或者用開0.45%水楊酸嗰款開始覺得清潔度唔夠嘅人。因為以水楊酸潔臉產品嚟講，CeraVe俾我嘅印象一直都唔錯，清潔之餘唔會有過度崩緊嘅感覺。

咁循例都要講一講佢嘅包裝同容量，佢嘅樽口同呢個牌子其他潔膚露一樣，都係唧泵嘅，喺日常使用上係方便嘅，同埋有設計扭左/扭右嘅開關lock，唔用嘅時候lock返住唔怕會唧咗出嚟。

總括嚟講，呢個嘅產品冇令我失望嘅，算係水楊酸款嘅加強款，如果想搵控油、去痘去粉刺嘅洗臉產品，我係推薦呢個牌子嘅。如果係普通混合肌、偶爾有痘痘，我會推介好似我咁嘅用法，睇情況，1星期左右用1次。而如果係初接觸水楊酸&唔需要太高清潔度，我會推介試咗透明樽嗰款入門先。但如果油肌、多痘痘/粉刺，呢一款就會比較適合。而邊一款確實比較適合，就真係要自己用落先知。

不過都要提醒返，用水楊酸清潔產品，都要有d心理準備，我自己初初用透明樽嘅時候，最一開始粒粒/暗瘡係會多咗，因為會幫你將污糟野推返上嚟，要用一段時間，等穩定咗先會發現皮膚比以前好咗、乾淨咗。

（P.S.呢3樣產品用嗰陣都係冇香料/香精嘅味道，呢個品牌無論潔膚/潤膚產品，暫時用過嘅都係咁，而呢樣係我鍾意嘅！）