CeraVe

A醇全效平滑祛印精華

試用程度：因順豐延誤遲了收貨，只試用咗連續七日，只有每晚洗臉後使用。
橫跨了一個颱風，時正炎熱潮濕之季。

以前有用過其他A醇產品引起大過敏，後續煥膚效果一流，但始終過敏太痛苦就冇再繼續。
有與收到Cerave同系列「去油抗瑕白泥潔膚露」及「多重酸抗瑕疵修護精華」一起試用。
以往有用開Cerave的修復霜於濕疹皮膚上，自從佢被L'Oreal收購後就冇乜點再留意呢個品牌。

容器：●●●●●●●
真空樽裝帶泵，可以令serum冇咁易變質又衛生👍
一泵半夠搽整塊臉連頸。
樽上label嘅大細同質地略嫌太廉價感。不過完全唔影響使用就由佢。
Overall係我理想中嘅精華容器形態：廢嘅label可以撕走，遮光又真空保存，輕身但自己企得穩。

氣味及質地：●●●●●●○
微黃稠身不透明gel狀，無香料。流動性不高，不過容易推開或吸收，冇焗皮膚嘅感覺。搽上臉第一下會有種微涼微灼熱嘅感覺，但好快就消失，後續亦無過敏反應等。

成分：●●●●○○○
優點：A醇選用咗緩釋型，想試A醇嘅敏感肌膚都冇咁易受刺激，而且可以減少變質機會；有維他命B3 (Niacinamide)同Cerave最出名嘅Ceramide組合，功效包括但不限於：舒敏/抗發炎/修復皮膚，而且呢兩組成分佔比不少，相信濃度有效。
缺點：有酒精、矽靈、防腐劑、增稠劑、界面劑等對皮膚有害嘅成分，有種行前三步倒退兩步嘅感覺；A醇成分濃度低過防腐劑，如果係有用開A醇嘅用家可能會略嫌雞肋？

效果：●●●●●○○
呢個系列叫”Blemish Control”，但對於暗瘡嚟講，不論事前預防、事發治療定事後去印修復都冇特別大感受，只係一個不過不失嘅表現。
最明顯嘅感受係皮膚明亮咗，膚色均勻咗！！！係夜晚搽第二朝照鏡會心諗點解自己遠睇好似上咗粉咁，係一個「試用期間有幾位直男朋友問我點解皮膚好咗」地咁明顯😏😏😏
皮膚輕微地平滑咗，收毛孔表現普通，呢一方面大概20%嘅進步左右，不及市面上其他A醇產品。

結論及建議：●●●●●○○
只係試用咗一星期，最surprise係佢提亮膚色嘅表現，每朝照鏡都會暗爽一下😂
但同時間對於佢成分中各種有害項目感到不安，所以仍然有點矛盾。
始終試用期十分地短，目前先推薦比膚色暗沉嘅人，始終肉眼可見嘅效果真係太吸引，不過感覺當膚色/均勻度去到一個滿意嘅點就可以停手。

最後附上台灣官網同系列嘅兩支Serum對比，比我揀我會揀呢支