ELIXIR

幹細胞膠原年輕緊緻精華

我乾肌用咗呢支幹細胞膠原年輕緊緻精華兩個星期，整體感覺幾明顯。質地係偏水潤精華狀，唔厚重，推開好滑，吸收算快，唔會黏笠，搽完皮膚有種即時柔軟同被滋潤嘅感覺，用落幾舒服。

保濕方面做得幾好，早晚用都唔會乾，鎖水力OK。用到兩星期，面頰位置感覺更飽滿，整體緊緻度有改善。

細紋方面，都冇咁明顯，光澤感提升幾明顯，素顏都冇之前咁暗沉，望落更有精神同透亮。淡斑效果就屬於慢慢改善，未至於明顯消失，但膚色均勻咗。毛孔同膚質都有進步，皮膚摸落更滑更有彈性，毛孔視覺上細緻咗少少，整體膚況穩定咗。