ARMANI Beauty

Crema Nera 極致再生保濕淨膚水 (清爽型)

Armani Crema Nera 極致再生保濕淨膚水真係貴有貴嘅道理！✨

我一開始買呢款淨膚水，係因為SA強烈推薦，
佢話呢款產品特別適合皮膚有暗粒同粉刺嘅人，
因為成分方面蘊含咗非洲再生植物複合成分，
甘醇酸同山毛櫸芽萃取，
有助加速去除老化角質，徹底清潔毛孔，
改善皮膚粗糙與瑕疵
同時，SA建議使用時倒適量淨膚水落化妝棉，
輕輕打圈按摩肌膚，
呢個步驟唔單止促進吸收，
仲可以進一步淨化毛孔，效果更好

產品嘅質地介乎於水同精華之間，清爽而唔黏膩，
上臉後感覺好舒服，而且完全冇刺激感
跟住SA嘅使用方法，我堅持咗2個星期，
結果額頭嘅粉刺同暗粒有減少到，
毛孔睇落更加乾淨，
膚質變得平滑細膩，暗啞膚色都有改善，
整體膚質睇起來更加淨透亮麗，
適合有瑕疵或者暗沉膚質嘅人

雖然呢款淨膚水喺淨化毛孔同改善膚質方面效果非常出色，但保濕能力相對冇咁強
如果你係乾性肌膚，建議搭配保濕精華或者面霜一齊使用，
避免皮膚出現乾燥或者繃緊嘅情況

總括而言，如果你嘅皮膚有粉刺、暗粒，或者有暗沉問題，
呢支極致再生保濕淨膚水絕對係值得一試🥳