Sulwhasoo 雪花秀

禦時緊顏參養面霜（人參面霜）

個人膚況同需求：超級乾肌，毛孔粗大，容易泛紅，要強力保濕但本人超怕笠，所以要保濕得黎又light先得，同埋要收毛孔，美白，改善細紋乾紋。
主要係由於年齡大，長期熬夜，而且又懶護膚保養（冇做facial，朝早又唔保養）

質地柔潤絲滑，比想像中杰身但上面夠潤得黎唔算笠，上面有存在感，而且佢嘅人參味令人聞到心理上都覺得見效加分。

用左一星期左右，面部的細紋、乾紋係有少少淡化，同埋塊面係彈d，不過因為我係同潤燥再生精華一齊用，呢個效果係from邊支-定係兩者都有份就分唔出

保濕度係夠嘅，塗完係夠潤，而且keep到，用左係覺得膚色更均勻同亮澤。
我諗這款面霜係四季都啱用，因為夏天係冷氣房都夠力，所以冬天都夠力，如果夏天唔開冷氣就可能塗薄d。

整體感受： 我用完一星期係覺得佢潤得黎唔笠真係好好，夠力唔會塗完好快又覺得乾，對我呢種乾人真係好友善。仲有就係皮膚真係飽滿左同有彈性左。