OLAY

至臻緊緻紅金眼霜

用開olay既紅金面霜，覺得效果好好，所以就試埋同系列既眼霜。

米色乳酪質地，搽上面感覺絲滑，水潤保濕得黎唔油膩。香味比起紅金面霜淡好多，始終搽係眼周，減少不必要既香料刺激到眼睛好合適。使用2星期後眼周明顯地變得緊緻飽滿，尤其係笑既時候眼肚冇咁腫脹，眼角細紋亦減淡左。黑眼圈就未見到有好顯著既改善。初時用會輕微辣眼，不過~2日後已經適應。

使用方法上，眼肚用手指係眼頭中尾點3點，然後輕輕均勻按壓。眼尾搽既時候輕輕向上提拉，最後搓熱手指溫敷眼皮。我眼肚前端既乾紋特別明顯，嚴重時候會稍為厚敷一下當眼膜用。

平時都唔多特登買眼霜，一黎係因為搽完好易生粒粒，二黎比起面霜貴太多，e.g.呢款紅金系列，同一個價錢面霜有50g，眼霜得15g😂 用完覺得眼霜既質感比面霜輕盈，吸收得更快，用左2星期滋潤得黎冇生粒粒，的確有佢既價值。

整體黎講呢個價位非常值得一試！