PRADA Beauty

PRADA 原光新肌氣墊粉底

究竟有邊個未買？即刻同我出去買！！！

我一直都情有獨鍾網面嘅氣墊粉餅底，
因為我覺得網面比起傳統海綿更加可以篩出幼滑嘅粉底，
上面就唔會一撻撻 。
而且我唔鍾意用遮瑕膏，所以要買到遮瑕度唔錯，但又唔會有粉感嘅粉底對於我嚟講好難 。
而今次我實在太想讚自己嘅衝動消費，
咩”奶油肌”，”水光肌”已經唔夠用黎形容依隻粉底，
直頭要叫”千金肌”先適合！(因為靚得黎好貴🤣)

首先外包裝唔洗講，直頭係行走嘅藝術品，
食完飯係手袋度拎出黎補妝真係心花怒放，
個盒真係好靚好靚好靚！
雖然佢整體都係用塑膠製造，
但佢咁靚嘅優點可以蓋過佢塑膠嘅缺點 🤣

氣墊粉底本身跟嘅粉撲我覺得幾好用，
拍上面feel到氣墊有氣呼出嘅感覺，
好soft，不過有少少食粉，
如果唔介意食粉嘅朋友可以唔洗特登另外搵粉撲上粉~
而佢嘅遮瑕度唔算好高，但我認為可以疊加嘅，所以問題不大。
最緊要嘅係佢上完好似上左層有色嘅護膚品，咁完全無粉感，好自然！
*質感真係靚到好似無化妝咁

希望依一則分享文可以令佢發揚光大~~
*是次購入色號為L N10