Visée

3D幻彩閃爍眼影液

我有兩支，WT-1閃白及GD-2閃金，眼影液係透明，只係閃粉顏色不同，因此唔會影響本身嘅眼影底色，可以用嚟疊加上眼皮。佢嘅閃粉大細啱啱好，最大粒閃閃都唔會過分誇張，係嗰種好清澈嘅日系閃粉眼妝。持久到都好好，全日都hold到。

個人而言，如果用閃粉嘅話，係鍾意用眼影液多過眼影粉，粉狀好多時會溶同令到隻眼睇落好污糟。

小tips
液體設計非常方便，佢有一個面頭海綿頭，點上皮膚都舒適嘅。習慣先用海綿頭沾取眼影液，放於手背上，然後再用手指印上眼周。除咗比較衛生之外，冇咁容易弄污眼影。