Avene

極速保濕水漾精華

感謝 @cosme 同Avene提供嘅試用品 「極速保濕水漾精華」！

其實我之前淨係買過佢哋嘅噴霧，今次有機會試用新品，真係好開心啊！🥳

呢款主打成分有 維他命B3、玻尿酸、活泉水，專為 乾燥缺水肌 設計，可以即時補水，幫助提升肌膚屏障，鎖住水分，令皮膚保持水潤透亮。

先講下我嘅膚質：

• 乾肌，容易甩皮、生粉刺
• 天氣乾燥時，皮膚會覺得繃緊、有細紋
• 有時會因為缺水導致膚色暗啞

照住使用說明，每日早晚用一次，用咗兩個星期。質地 & 使用感受：
• 透明水感啫喱質地，流動性高，好易推開
• 吸收速度快，唔會覺得厚重或黏笠
• 帶淡淡清新香味，唔會太濃，接受度高
• 上臉後即時有補水感，但對乾肌嚟講，單用可能未必夠鎖水，後續要加乳霜

因為加入咗 玻尿酸，搽完會有即時水潤感，而 活泉水 令皮膚感覺更舒緩。但如果皮膚比較乾，過一陣會覺得水分蒸發得快，所以後續一定要加強保濕。

使用效果：

用咗兩星期之後，膚況比之前穩定，乾燥繃緊感減少，皮膚變得 柔軟水嫩，底妝都貼服咗！
不過如果係極乾肌，或者長時間待冷氣房，單靠呢支精華可能未夠力，建議搭配更滋潤嘅乳霜加強鎖水。

最後總結：

✅ 水感清爽，好吸收，適合油肌 / 混合肌
✅ 玻尿酸補水 + 活泉水舒緩，皮膚即時水潤感UP
❌ 乾肌 / 極乾肌單用未必夠力，需要配搭乳霜
💡 長時間用應該有助維持水潤感，令肌膚更穩定健康

如果你係 中性肌 / 油肌 / 混合肌，呢款應該會幾適合；但如果係 乾肌 / 極乾肌，建議搭配更滋潤嘅乳霜或者保濕面膜，鎖水效果會更好！