Avene

極速保濕水漾精華

多謝今次可以使用Avene佢嘅新產品，平時成日都喺連鎖店見到呢個牌子，之前我都有一直用開佢嘅礦泉噴霧，今次就試用呢個補水嘅極速保濕水漾精華同埋維Cg抗氧淡斑精華！

我嘅皮膚屬於乾性，亦都較為敏感，之前成日都唔敢用美白產品，因為用咗都會生粒粒或者會更加乾，所以今次都好期待

首先係試用呢個極速保濕水潤精華，呢排天氣咁乾燥，所以用佢就啱晒啦！我都覺得皮膚有極速飲飽水亦都光澤咗，冇咗好似之前繃緊嘅狀態，同埋我鍾意佢極速被吸收！唔錯唔錯。

之後我再試用埋個淡斑精華，頭嗰幾日坦白講，我覺得個效果唔係話太明顯，香味都比較濃（但係係香嘅）；都好易吸收，但係始終都係啲美白嘅產品我個份量都係慢慢慢慢咁樣試；本身冇乜班，但係用完個膚色係均勻咗冇咁暗沉，配埋水漾精華一齊用個效果會再舒服啲！唯一要留意嘅係淡斑精華我唔會日頭用，因為佢好似同之後嘅化妝產品唔係好融合，所以我建議夜晚先至用呀！

我會keep住繼續用睇吓塊面係咪會更加光澤提亮～同埋我會特別搽喺虎紋嘅位睇吓佢嘅效果如何！