PANTENE

PRO-V 爆水珠珠髮膜 - 蓬鬆水養

感謝cosme抽中試用，我本身的髮質比較乾，大概每半年會染一次頭，冇試過漂頭，髮質有啲毛躁同開叉，用完髮膜7日覺得有輕微改善，比而家用緊韓國UNOVE個隻髮膜好，但暫時未有好明顯嘅分別，唔知係咪要用夠28日先得。

髮膜嘅質地滋潤，氣味好香，而且份量非常足夠搽喺頭髮每一處，搽完同埋沖洗頭髮之後感覺頭髮好滑，但冇油膩感，使用第2日冇好大分別，加上我最近游水都游咗幾次可能都有影響，好似平時咁吹完頭之後都會好毛躁同乾。持續用咗7日後頭髮好似係冇之前咁乾，同埋亮澤度有少少提升，但其他方面例如減少頭髮斷裂或改善開叉就唔覺有好大分別。

使用前使用第2日
使用7日後
不過呢個已經比我用緊個種好，之後都有機會回購試吓用耐啲會唔會有改善。