PANTENE

PRO-V 爆水珠珠髮膜 - 蓬鬆水養

見大家大推依隻髮膜令我記翻起我2年前都有入手過佢，
不過我用後感同大家有啲唔同。

初初見佢一粒粒咁可以帶去出國旅行用好方便，
所以就團左幾盒係屋企。
佢每一粒個量都幾多下，所以我通常一粒分2次用，
修護效果真係幾好，第二日訓醒頭髮都好順滑。

不過用左一個星期左右就有問題出現啦
我係一個好少好少汗嘅人黎，都好少生暗瘡油脂粒之類，
但我竟然開始生背痘，仲要都唔少，
就算去買咩背痘噴霧，咩水楊酸body cream都無用。

然後有次無意中睇到個youtuber介紹雷品見佢榜上有名，
先知佢裏面有隻叫MI同MCI嘅防腐劑會有機會引致皮膚敏感，
而我停用左佢之後都真係無再生背痘。

又一次別人的蜜糖我的毒藥～
我諗如果唔介意成份而且鍾意彎腰洗頭嘅女仔用應該無大問題嘅