PANTENE

PRO-V 爆水珠珠髮膜 (強韌防斷)

首先十分感謝Cosme提供試用，好開心能夠抽中我😍
今次試用既產品係呢期好紅既Pantene 玻尿酸發膜，花名叫爆水珠珠發膜！

味道：烏木玫瑰香味，味道怡人，清香而不濃烈，洗完頭香味持續時間都幾長，到第二日收工個頭仲係好香，感覺自己有氣質咗
質地：就咁上手偏黏立，普通髮膜質地，易於塗於髮上
用法：洗髮後，從以下開始塗抹至髮尾，無需接觸法跟及頭皮，塗抹均勻後作適當停留，之後洗淨即可

使用一星期後：
整體效果偏好。
頭髮保濕度一般，可能我頭髮十分受損易斷，感覺未有顯著改善頭髮易斷既問題，相信應該要長期使用先會有顯著效果。
另一方面，因為自己剛染完髮，佢確實令到頭髮變得順滑，光澤度真係提升咗唔少。平時吹頭時，頭髮成日打kick，但用咗佢之後頭髮真係易啲梳順。
同埋重點係用完之後頭髮冇油膩感，但感覺到有髮質強壯左，呢樣真係加分位！

總括來講，都偏向回購，能夠喺屋企做到髮型屋焗油效果，真係唔錯。加上佢獨立包裝，衛生又易用。去旅行或者平時家用都十分方便！
平時萬寧屈臣氏間唔中做特價買一送一既時候就可以掃定貨🫶🏻