PANTENE

PRO-V 爆水珠珠髮膜 (強韌防斷)

【試用邀請真人實測】新升級「爆水珠珠烏木玫瑰髮膜」用後感
我本身係長期染髮嘅「啡髮族」，每3-6個月就要補染一次，仲要電過髮，髮尾乾到似草咁！前排去個短旅行帶左呢個升級版髮膜髮膜試用，真係有驚喜✨仲要係旅行恩物！
💖 外觀&香味
個包裝係旅行友好設計，平時去旅行最煩就係要帶大大支髮膜，又重又易漏！呢細細地嘅包裝size超完美，用幾多帶幾多粒，放化妝袋都得～如果頭髮長度肩膀位置就用一粒，長過肩膀就用兩粒，一按出嚟就見到透明gel裡面有粒粒粉紅色「爆水珠珠」，一搓即爆開，好治癒～最正係個烏木玫瑰香，初聞係甜甜荔枝玫瑰，沖完水會變沉穩木質香，第二日瞓醒枕頭都仲有淡淡香味，香過香水又自然！（男朋友都話好好聞）
💦 質地&即時效果
我髮尾超乾，平時用髮膜都要焗好耐，但呢隻一搽上去已經feel到「咻」一聲吸收咗！沖水時明顯順滑咗，手指梳得通，零黏膩，吹頭後髮尾都好柔順，唔洗用梳梳都梳得開，仲有光澤感，唔會笠耷耷！
📈 7日後變化
強韌度：平時洗頭掉好多頭髮，而家排水口得返幾條（感動！）
修護力：髮尾開叉冇完全消失，但啲「叉口」冇咁鋒利，摸落去順咗
保濕：第3日開始唔使日日用護髮油都keep到柔軟，慳時間！（啱晒我啲懶人）
🌟 總結
呢支真係救咗我啲「染電爛髮」！雖然市面價錢有少少貴，但香味同效果都值回票價～會回購！因為我係長頭髮，每次都要用兩粒，好快就用完，如果可以出長髮款每次一粒嘅大包裝會更方便！
回購指數：4.5/5 （扣0.5因為用量快）