PANTENE

PRO-V 爆水珠珠髮膜 (強韌防斷)

感謝@cosme抽中我試用產品！

由於工作需要，每日都要用到直髮夾、曲髮夾，為頭髮造型，相當影響頭髮質素。以下圖見到，除了出現乾旱分叉、也明顯見到頭髮捲翹、失去光澤。

但近期剪髮修剪了髮尾，所以開叉情況未去到最壞。不過明顯見到我比一般人頭髮情況更差，頭髮中段已經出現大量毛躁。所以今次試驗結果，會集中留意頭髮中段有否出現明顯改善。

先分享產品質地唔算太濃厚，唔會為頭髮帶嚟油膩感，但係保濕潤滑有感！洗完頭未吹乾之前，梳頭都會覺得順滑咗。
而且產品帶有微花香、香味一啲都唔假，唔係香精嗰種，我自己就好鍾意護髮產品帶有香味！而且當中含有爆水珠珠，用落頭髮好快吸收啲精華
以下圖片為使用三日後嘅情況，雖然吹乾頭髮之後見到仲有開叉，但明顯見到頭髮毛躁情況有改善、不過頭髮仍然未算好光澤，略帶啞面

以下圖片為使用產品一星期後，頭髮中段髮質顯著改善，順滑、易梳理，最明顯就係頭髮光澤感加強左！而整體都不再似之前頭髮胡亂飛舞，喺梳頭期間，發現扯斷頭髮嘅問題都少咗，改善頗為明顯！
產品效果令我驚喜，今次試用之後，亦期望之後繼續回購產品！

產品說明有提到，正常情況一周使用兩至三次，但受損情況嚴重的話，可以作為每日護髮素之用，我就係每日洗頭都會用到。
唯一嘅建議係，中短髮嘅髮量，未必一次過用得晒一個膠囊，如果可以將每個膠囊整細啲、分多幾粒，就更加方便我了~