PANTENE

PRO-V 爆水珠珠髮膜 (強韌防斷)

多謝@COSME & Pantene今次抽中我試用爆水珠珠烏木玫瑰髮膜(*≧ω≦)

我髮質係幼髮絲但天生攣，因為成日用直髮夾而令到髮質毛燥受損，所以望落去好似雜草咁。我日常既頭髮護理除左用護髮素，每隔兩日都會用一次髮膜，平時用既髮膜都已經應付唔到我堆雜草，之後心要用大量髮尾油先至會令髮質望落去順滑啲。

呢張就係本身既髮質

今次Pantene爆水珠珠烏木玫瑰髮膜令我好有驚喜！首先佢獨立包裝既設計好適合帶去旅行用，咁岩我要去韓國旅行，溫差大又乾燥既天氣就岩晒試下佢夠唔夠滋潤順滑！一打開就聞到淡淡既玫瑰味，唔刺激，好舒服👍🏻入面既爆水珠珠好得意，輕力一按就爆開，好治癒！因為我個人比較心急，用髮膜通常只會停留2分鐘左右，但今次用爆水珠珠烏木玫瑰髮膜就算淨係停留2分鐘都夠晒順滑！一沖水既時候係feel到髮絲好柔軟，同平時用完其他髮膜手感完全唔同。吹完頭就見真章了，最令我驚喜既係髮絲好柔軟順滑，仲要好香！！去到第二日仲keep到個保濕力，有光澤之餘沒有油膩感，因為我深色頭髮好怕太滋潤既髮膜，望落去會好油膩，但爆水珠珠烏木玫瑰髮膜令我髮質第二朝柔軟順滑又清爽，唔會訓醒又變雜草👍🏻

持續使用髮膜7日後，頭髮毛躁狀態真係大大減少，睇圖片都見到我平時髮絲毛燥到飛起曬，用左7日可以見到髮絲更加順滑貼服，受損髮絲受到修護，仲要好有光澤，效果好明顯，大推！日常梳頭都少左頭髮斷裂既情況，真係估佢唔到咁有效，所以我已經自己課金買左番去繼續養靚把頭髮了🤭