BOBBI BROWN

晶鑽漾色盈潤唇膏

呢支Bobbi Brown嘅晶鑽漾色盈潤唇膏，用後感真係超讚！

首先真係要讚吓支唇膏嘅外形，超靚同有質感！好classic嘅Bobbi Brown logo，透明嘅外層，令人聯想到係光澤感嘅唇膏。拎出嚟搽嘅時候都俾朋友讚過支唇膏好靚！

講返佢嘅妝效同質感。呢支唇膏色號係691 Passion Fruit，係好易襯、令人感覺精神咗嘅粉紅色。搽完之後感覺嘴唇好滋潤，亦可以減淡唇紋。另外呢隻顏色好自然，日常妝容都可以容易carry到。想再顯色少少可以堆疊再搽多一兩層。由於佢係光澤感比較重嘅唇膏，嘴唇比較薄嘅人士使用，可以形造豐唇效果。食完野或者飲完野作適當補妝就可以，脫色唔算嚴重。