ARMANI Beauty

Power Fabric Pro 專業柔霧持妝粉底液

質地一擠出黎既時候偏液態，易推開易控制，然後好快就會變成粉狀霧面既狀態。總共有12款色號非常齊全，我係偏暖色偏白既皮膚，揀左#3中性調自然色幾適合我，上面比膚色稍為淺dd，有提亮效果。粉質細膩融膚度高，透氣度亦幾好，完全冇粉感，適合鍾意自然妝感既人。修飾泛紅同細紋既能力唔錯，雀斑就遮唔曬，如果追求遮瑕度高既就可能唔太鍾意了。

最令我驚豔係佢既控油能力，夏天由朝早用到夜晚都冇浮粉問題。如果係留係室內冇乜出汗既，連補妝都唔需要。我貪新鮮會成日拎唔同專櫃品牌既粉底液sample試用，呢款係控油持妝能力上都數一數二。

冬天既時候其實都拎過出黎用，當時試左幾日，搽左一兩個鐘面頰就甩曬皮。諗唔到而家夏天拎翻出黎再試下，係潮濕同易出汗出油既情況下用又幾好。建議皮膚乾/天氣乾情況下使用要先做好補濕。