SOFINA iP

亮肌抗斑護膚防曬乳霜 SPF50+ PA++++

呢支防曬我已經用咗第二支，主要係平日唔化妝又唔想面青口唇白時用。佢有微微潤色同提亮效果，唔會好明顯但氣息睇落即刻好精神，而且仲可以順便遮走少少膚色不均。質地屬於cream狀但推開之後算快吸收，唔笠唔焗，長時間戴口罩都冇出油起粒粒，對我嚟講已經好加分。遮瑕力唔高，不過我覺得好適合懶人用～有時朝早趕出門就直接搽佢再補啲碎粉就搞掂。但小小缺點係偏乾，特別係乾肌或者秋冬用可能要底層先做好保濕，否則會有啲卡紋或者乾乾地。總體而言，我覺得係一支好用又自然嘅物理防曬乳，尤其適合夏天或者追求素顏感妝效嘅人。