Suu Balm

速效舒敏保濕乳

本人皮膚冇濕疹問題，身體皮膚亦唔算敏感肌，但就會出現偏乾嘅情況。夏天身處冷氣地方，會感覺手腳皮膚有啲繃緊感覺，有時手指甚至會乾到出現脫皮情況。

聽講呢款速效舒敏保濕乳係專為濕疹、敏感皮膚而設。我用嚟搽手，第一個感覺就係好清涼（好似搽咗薄荷膏咁feel得到同聞得到嘅清涼），擠出嚟係白色膏狀，好容易推得開。推開之後有滋潤嘅感覺，但冇油膩感，好似霜狀推開成為霧面咁。

如果同我一樣純粹係皮膚偏乾，呢款不失為夠滋潤又唔笠嘅保濕乳。但我個人嚟講，就唔喜歡feel到隻手keep住有薄荷清涼感嘅感覺。