shu uemura 植村秀

unlimited 無限輕透持妝粉底液 (小方瓶 2.0)

好開心🥰多謝@cosmo抽中試用全新升級嘅「小方瓶2.0」。之前睇到網上評價話shu uemura嘅粉底好用，持久度唔錯，一直都好想試下，今次終於有機會。Shu uemura嘅粉底出名好多色揀，最大熱、同自然嘅色就係564同574，而我就中咗574🎉好啱我膚色


首先想講佢嘅瓶樽設計好大方得體，日系感重，泵頭亦容易控制

粉底質地水潤，流動性高，容易推開，我習慣先唧半下喺手背用手指點喺一半面再用美妝蛋印開，之後再上另一半面咁就容易控制，上完之後都唔卡粉

妝效輕薄得嚟帶霧光，自然貼服，唔會好重粉感，冇面具感，摸落塊面都唔會黐立立。
BeforeAfter

遮瑕方面屬於中等，可以改善膚色不均，我係嚴重黑眼圈上咗粉只係遮到三四成，其他位置冇咩問題已經可以遮到七八成瑕疵

持妝度我覺得好唔錯，之前試過其他牌子帶霧感嘅粉底，好快氧化，灰灰黃黃，但呢隻我覺得冇呢個問題，就算喺呢排濕濕笠笠嘅天氣出咗一日街，仍然好輕透自然🤏唔會成塊面好暗啞、好浮粉

由於霧感嘅粉底對於混合性偏乾嘅人（本人）嚟講點都有啲乾，所以妝前嘅保濕功夫一定要做得好💦💦💦要用返啲水潤防曬底霜做打底保濕很重要

總結，我對今次粉底試用很滿意，無論係上妝時輕易上手或上妝後嘅持妝度都很好，再次感謝@cosme送出邀請🥳