shu uemura 植村秀

unlimited 無限輕透持妝粉底液 (小方瓶 2.0)

近排因為用晒自己嘅粉底液諗住嘗試吓其他嘅牌子，咁啱就抽中試用 呢支Shu Uemura嘅粉底液 ！

外型正正方方磨沙面好靚！ 個泵易用，有蓋幾好帶出去嘅時候唔會整污糟其他嘢 粉底的確好薄好易推，搽咗會黏立立嘅精華同面霜打底都可以推開同埋冇擦膠碎。

搽咗上去唔粉，真係幾有光澤感。但感覺真係幾薄，可能有啲位要再查多幾層先會遮得強啲 ，但 overall 幾buildable。本身鼻翼位毛孔較大，都算遮到亦唔會卡住。

妝前加粉底後近排天氣可能較潮濕自己T字位亦較頻出油，所以唔補妝嘅情況下九個鐘之後嘅鼻位基本上已經溶 得7788， 其他唔多出油嘅位就保持得唔錯。 所以出全日街嘅話應該要準備補妝。

8小時後 （主要在室內）
所以特別推薦呢個粉底比一啲較少出油嘅朋友，因為佢真係好薄好輕盈唔會好粉。 對我嚟講最緊要係好易推，尤其是我會做好多妝前準備，好多時其他粉底液都會同啲黐立立嘅精華/防曬 等等打交 。同埋即使搽多幾層佢都仲有一種光澤感裸妝感，所以自己都應該會選擇回購！