shu uemura 植村秀

unlimited 無限輕透持妝粉底液 (小方瓶 2.0)

多謝cosme抽中我🤤🤤
今次試用色號係#554，黃黑皮適用
自己係油性暗瘡肌，遮瑕較多
但有用酸習慣所以油得嚟會有啲甩皮情況出現

呢支質地好易推亦都夠保濕
可能推到好薄好薄，果然係日本牌子嘅底妝🤣
雖然好薄但遮瑕力一啲都唔低
一啲淡痘印唔需要再加遮瑕膏已經遮得好好
就算再疊加多幾層粉底都唔會厚粉
無論有遮瑕需求定皮膚好好都用得🤩🤩
成膜後唔會痴手指紋好清爽
非油肌局部碎粉定妝 已經可以了

以往用霧面底妝甩皮位置會好乾kick曬粉
呢支kick粉情況大大減低
社交距離睇唔出有kick粉✨✨✨
夜晚返到屋企出油位置有少少移位但可接受
控油度都幾好👍大油肌冇印過油都未至於油光滿面
甩皮位置都冇話越嚟越乾
的確做到吸油唔吸水🧽
佢保濕度/控油度/透薄度全部都好適中好啱自己
終於遇到一支持久遮瑕度強又透薄嘅粉底❤️