shu uemura 植村秀

unlimited 無限輕透持妝粉底液 (小方瓶 2.0)

好開心多謝 @cosme 抽中我俾我試用「小方瓶2.0」，我今次試用嘅色號係674，係暖調自然提亮色

我係混合偏乾，塊面經常都有泛紅情況，今次試用期間剛好去咗旅行，分別喺日本同香港兩個唔同環境試用粉底液，睇到唔同效果～

先講粉底液嘅質地，流動性中等，延伸性高，唔會同護膚品打交，用上面唔卡鼻翼眼底，比起一般霧感粉底，小方瓶係霧感帶光感。

我嘅用法係用CDP Primer打底，小方瓶感覺好貼服，薄薄上一層已經有好好嘅提亮效果，遮瑕力算高，可以將泛紅同痘印都遮咗八成，我用完粉底有用CDP蜜粉keep個妝。
上妝前、上妝後、帶妝7小時後
日本嘅天氣比較涼快，亦比較乾爽，用咗小方瓶之後，即使去過陽光底下活動，基本上個妝容去到夜晚返酒店時都仲keep住，就算帶妝超過15小時都唔會覺得悶住，亦冇氧化問題，我覺得效果好出色

返到香港，我試咗喺office超過9小時有冷氣嘅情況下使用，效果就相對冇咁keep到咁耐，雖然妝容冇氧化唔暗沉，但去到放工時出油量多，近睇有溶妝情況

另一日喺香港室內外交替出入嘅環境下使用小方瓶，雖然溫差大，但7小時後返到屋企都keep到個妝容，整體感覺唔會好厚，細睇亦唔見浮粉，我會俾高分～

對我嚟講，小方瓶值得推薦，好薄好透但有遮瑕力，妝容自然提亮！ 但如果長時間留喺冷氣房，打底同保濕控油做多少少功夫，就會幫到個妝容keep到耐啲～