shu uemura 植村秀

unlimited 無限輕透持妝粉底液 (小方瓶 2.0)

多謝cosme抽中我試用升級版小方瓶！！！
今次試用色號係594~

平時用開植村秀粉底色號係584，
本身都驚會太白用唔到點知色號又幾適合，
可能唔同粉底嘅色號會有出入，
建議想入手嘅朋友都係去專櫃試下色先~

講返試用心得先。
我分別喺冷氣房同室外常溫下試用過粉底，
混合性偏乾肌膚嘅我嚟講呢隻粉底比較適合喺室外用，
就好似佢嘅產品說明一樣吸油唔吸水，
室外用係超級無敵耐打，10個鐘都唔洗點補妝，
遮瑕度都好高/可以疊加。
一開始上面會有少少繃緊嘅感覺，
但係過咗個零鐘左右會變咗少少奶油肌 ，
仲越夜越靚！超驚喜！

不過去到冷氣房就有啲吃力啦，
始終係霧感粉底液，保濕度難免會有啲不足，
上妝3個鐘左右就開始有啲焗悶嘅感覺，
亦有少少收乾同浮粉嘅情況出現，
我諗油肌嘅朋友會鍾意多啲~
混合肌嘅朋友我諗揀岩天氣用都應該岩用🙂‍↕️