shu uemura 植村秀

unlimited 無限輕透持妝粉底液 (小方瓶 2.0)

以宜家天氣嚟講，我嘅肌膚係混合偏油。我都係敏感肌嚟，唔可以亂用護膚品同化妝品。因為青春期爛過面，食過A酸，宜家仲有啲瑕疵同痘印、鼻頭毛孔較粗大、膚色不勻等問題 (主要鼻周圍泛紅同啡色痘印)。

個人比較重視氧化 > 持妝 > 均勻膚色 > 遮瑕嘅效果，而Shu Uemura呢隻粉底液都做到以上功效。

用過上一代嘅小方瓶，覺得升級版比舊版更水潤同流質，透光感更好。而且由SPF25增強到SPF47！瓶身設計都改咗啲，揼頭就一樣。隔咗2年，因為妝感變咗喜歡matte得嚟又有啲水潤，所以宜家我更喜歡升級版嘅小方瓶✨️升級版小方瓶同樣做到持久零負擔、冇面具感、自然透氣同貼服。雖然都係主打控油，但佢嘅流動性同延展性都好高。質地繼續水潤易推，上臉後亦唔會繃緊同埋會變微微霧面質感。

一搽完已經覺得好乾爽，完全冇黏笠感。夏天就應該要再加強控油。我自己返工長期喺冷氣房，即使過咗全日都淨係鼻頭出咗少少油，有種奶油肌嘅感覺，個光澤感好靚 (如果唔鍾意都可以自己用碎粉吸返啲油光)。

日常我多數淨係會上一層好薄嘅粉底液，但其實已經遮到70%痘印、100%血管、80%毛孔同80%黑眼圈。基本上用少少已經可以均勻到膚色，我本身都唔介意瑕疵唔係100%遮晒。如果要見男朋友 / 出席會影相嘅聚會就會配合埋其他遮瑕膏 / 局部再用呢隻粉底液遮！總結 商品說明嘅效果都有做到:
妝感: 9/10
控油: 9/10
遮瑕: 7/10
氧化: 9/10
持妝: 8/10

‼️睇成份見到有酒精，作為敏感肌嘅我用落完全冇致痘 / 敏感 (留意每個人嘅反應都唔同)

** 粉底可堆疊，瑕疵位可視乎需要而局部再遮
** 粉底乾得比較快，上妝動作要快啲
** 新手建議半邊臉咁上，唔好急最緊要快