shu uemura 植村秀

unlimited 無限輕透持妝粉底液 (小方瓶 2.0)

多謝@Cosme 今次俾我試用植村秀的小方瓶2.0 684號色～呢一款聽聞係可以打造出好自然的霧光肌，同時持妝24小時，收到試用品時好期待～

首先粉底液上手感覺流動性不錯，質地好水潤同時又容易推開。 （試用幾日後感覺最好係分幾次局部上塊面）今次是試咗一星期，整體感覺不錯，可以應付日常使用，持妝8-10小時是可以的。 一上完面個妝感好靚，有種皮膚其他位置係霧面而被翼位置就有點透光感覺。不過香港嘅天氣潮濕，我平時T字位容易出油，所以都係照上碎粉，以下係我啱啱上完碎粉嘅妝感，可以見到瑕疵都遮咗八成左右，相信如果上多幾層粉底液遮度會更高。上完妝之後3-6小時期間效果係最自然，可以遮到毛孔，同時又有霧光肌，雖然鼻翼有少量出油，但整體感覺良好，有種皮膚很好，粉底液融入皮膚嘅感覺。化妝10小時後，可以見到開始出現皮膚瑕疵（期間有用紙巾輕輕抹去 鼻翼同下巴嘅油 ），毛孔開始變得明顯，不過皮膚無話變得暗沉，還在可接受範圍內。整體而言，呢款小方瓶2.0適合平時返工，週末出街用，感覺也比上一代更加 好用同自然，特別係有「霧光」既感覺。朋友見到我以為我最近皮膚好咗～試用咗一星期後，用小方瓶有個小秘訣，就係盡量唔好用紙巾抹塊面，好容易會帶走粉底液，影響妝效。