shu uemura 植村秀

unlimited 無限輕透持妝粉底液 (小方瓶 2.0)

終於去完旅行番黎寫心得🥹
好多謝 @Cosme 比我今次試用Shu uemura全新升級的unlimited無限輕透持妝粉底液「小方瓶2.0」，一向都知佢既武士刀眉筆同卸妝油出名好用，而簡約小方瓶粉底液都唔陌生🤓



最近食大餐比較多，熱氣生左粒瘡仲有深色印，而且又開始敏感啦，有少少又泛紅😟

個人膚色黃皮偏白，用呢個色號係算自然少少美白。
個人膚質係中性，夜左T字位有少少油。



呢隻粉底液質地較稀，流動性頗高，好輕薄摸落去比我想像中易推。鼻異位都非常易推唔卡粉。我用Solone 粉樸加粉底刮刀上粉，搽完之後都覺得完全冇負擔唔焗。



可以見到上粉後有低調既光澤，有別於韓式高光既妝感，亦唔係霧面果種，而係兩者之間既平衡，恰到好處。相對之下我幾中意呢種低調光澤❤️因為人老左唔化好carry到高光妝感😂但霧面既底妝又會顯得比較暗沉，因此只要有少少光澤感就完美啦。

遮瑕度約5,6成左右，基本暗瘡印都遮到，黑眼圈同較深色暗瘡印就要另外搽遮瑕🙌🏻意外地毛孔都隱形得不錯👍🏻



我用佢出完街同做完gym後，妝容亦大致完整，T字位冇太大油光，而且依然係好夠水潤既微光澤✨好透氣，又冇乾😍 有效咁對抗到做gym後既汗水同抗油光🫶🏻冇咩暗沉



評分:
妝感喜愛程度:9/10
自然光澤:9/10
保濕:9/10
控油:8/10
持久:8/10
回購指數:8.5/10

總結:
我覺得呢個妝感完全係我想要嘅效果同舒適感🥰🥰作為中性膚質既我，真係好難搵到啱嘅粉底。保濕都好夠，好輕薄。我會keep住用呢種呢個粉底😚