ANESSA

柔膚防曬蜜粉 SPF50+ PA++++

ANESSA 柔膚防曬蜜粉

小小劇場（我嘅心路歷程）：
品牌一向作為防曬嘅表表者，對於佢嘅防曬產品都好有信心，而入手嘅主要原因係因為被YouTuber燒到，好幾個YouTuber都介紹佢，話呢一款防曬蜜粉好好用，所以我都忍唔住係日本旅行嘅時候去唔同嘅藥妝店度搵（背景：五月嘅北海道），但係行咗咁多間，都冇一間有貨，令我感到好沮喪，內心亦都存有一個感覺係呢個產品真係好受歡迎！

搵咗咁耐都搵唔到，本身都諗住放棄，但係竟然係返嚟香港之後，一間平民藥妝店度搵到！🤩內心嘅喜悅真係難以形容，即刻課金入手💸 但係竟然用唔夠兩日之後，就俾我隻petpet 咬爛咗😩😩 真係喊出嚟！

產品設計：
蜜粉連埋刷頭，方便補妝，唔需要用手直接掂塊面，呢一點真係有好大加分💖佢啲刷毛好鬆軟，但某程度上就令到佢好飛粉，有時候會覺得飛走晒嘅粉仲多過上左面嘅粉🤔 由於甘飛粉其實都會好容易吸咗入去，好多時都會變上邊咳🤫

如果想確保啲粉係真係上咗面，可能就要垂直枝蜜粉黎用先會好啲。不過咁樣就會比較難準確上到想要嘅位/部份，所以我覺得呢支嘢好難用🥹

但係講佢嘅粉感係真係都唔錯，上咗面會吸走啲油，令塊面變返霧感，佢啲粉好幼細，上面其實都係透明，唔會太影響塊面嘅膚色，就算想多咗都唔會變到好重粉感，呢一個都係好唔錯嘅地方👍🏾

總結：
呢支係一個好方便拎出街，補妝補防曬嘅item，不過喺使用上就可能有些少障礙，要俾多些少時間去搵一個合適自己嘅上粉方法🙂‍↕️


唔小心跌出嚟嘅粉：

想粉後嘅感覺：