LAURA MERCIER

水光修護輕粉底霜

呢枝粉底霜質感有啲似 cream，好易推開，用手指可以輕鬆上妝，推開之後有少少笠，似搽咗一層滋潤型防曬咁，但又唔係超級黏笠，我覺得可以接受。

因為係 cream 狀好貼面，都好薄，上晒全面膚色明顯均勻咗同提亮咗，效果好自然，有少少水光感，出一日街都冇乜點甩。相對地佢係幾乎冇遮瑕力。
適合唔想花大多時間化全妝又想個樣精神啲嘅時候用，用手指搽勻上面再畫少少眉就可以出去。

個人比較唔太接受就係佢陣味，可能加咗益生菌同益生元，有少少口水味，不過係搽嘅時候會聞到，上咗面之後就冇乜感覺。