LAURA MERCIER

水光修護輕粉底霜

打開Laura Mercier 水光修護輕粉底霜嗰一刻
已經被佢半慕斯半奶霜質地吸引住
摸上手係非常細膩柔滑
唔會油笠笠、亦唔係乾身gel狀，而係一種柔霧中帶水光嘅霜感
推開嘅時候幾乎無阻力🫶🏻連乾肌都唔怕會扯住塊面
可以做到超貼膚嘅薄透感
就算係鼻翼側邊、嘴角邊位呢啲難推位
都可以blend得勻又唔積線
成個上妝過程好順滑
好似搽咗護膚品咁舒服，無一絲粉感🙌🏻

佢最大嘅特點係：「無存在感」
但個妝感係實實在在靚咗、滑咗、透咗💗
完全睇唔出有上粉底🤫但膚色明顯均勻晒膚質好似磨皮過咁

冇卡粉、冇積線，反而有blur毛孔嘅效果
好似自帶輕柔焦濾鏡
仲有微微反光感
令毛孔位置睇落冇咁凹凸

本身我肌膚有啲微泛紅同色差
一搽完已經感覺面色乾淨咗、精神咗
遮瑕力雖然唔係厚重型（如果你想100%遮蓋暗瘡疤，建議加遮瑕）
但作為日常自然妝底已經好夠用
特別係臉頰泛紅同眼下暗沉位置，一層就可以壓住

至於乾紋方面，我有輕微眼底細紋
仲會笑到嘴角有紋
但用呢款粉底霜之後冇起紋
而且妝感係愈夜愈貼，完全唔會愈嚟愈乾

我會形容佢係有護膚感
真係有種「底妝＝護膚延伸」嘅感覺
一整日戴妝之後，我塊面冇乾
甚至feel到皮膚好似有飲飽水咁
特別係太陽穴位置、法令紋兩側都無乾燥痕跡🫶🏻

佢嘅保濕力、妝感舒適度
真係幫到肌膚維持健康狀態
唔再有妝後乾到甩皮／紅痕嘅情況🥹

Laura Mercier 水光修護輕粉底霜
自然、水潤、輕透一切剛剛好。
可以讓底妝回歸肌膚本質的溫柔❣️