LAURA MERCIER

水光修護輕粉底霜

多謝@cosme邀請，今次試用嘅係Laura Mercier「水光修護輕粉底霜」，一直都知道tinted moisturizer係佢哋皇牌產品，但係一直都未試過，終於都有幸試得到🥹

「水光修護輕粉底霜」遮瑕度比較低，主要係有均勻膚色嘅效果，同埋搽上面會有微微光澤感，黑眼圈位置加少少遮瑕膏再上一層碎粉就係一個偽素顏妝👍🏻
質地方面好creamy，就咁用手就可以推得開，我係乾肌加上呢幾日天氣比較乾燥，用佢都唔會卡粉👍🏻
而且搽咗佢就唔洗再搽防曬，非常方便，因為有SPF 30 UVB/UVA/PA+++👍🏻
我試用嘅色號係最白色0N silk，啱皮膚偏白嘅人用但係過咗一陣會氧化暗沉1-2度

整體嚟講呢個輕粉底霜係一個滋潤又十分透薄嘅粉底液，如果唔追求遮瑕度、鍾意自然妝感，用佢就岩哂👍🏻但係選色方面可能要揀返白少少嘅色號先會做到提亮膚色嘅效果。

最後想講講，雖然我本身唔係咁注重護膚品同化妝品嘅香味，只要效果好就可以，但個人認為呢個味道唔係咁討好，對香味有要求嘅sis可能要注意一下😂