KOSÉ

INFINITY 光感亮肌精華粉底

多謝@cosme 抽中我試用kose INFINITY 光感亮肌精華粉底，一打開包裝見到黑色鏡面外殼，即刻有種好低調嘅奢華感覺，非常正中我心💛。
粉底粉質方面非常幼滑，薄薄上一層都可以修飾毛孔同時有提亮效果，遮瑕度中等程度可以疊加，輕微泛紅同埋膚色不均都可以修飾，控油效果不錯大約3-4小時左右，鼻翼先會有微微泛油狀況，再用粉餅補妝會營造出半霧感中又可以透出肌膚底層嘅自然亮度 ，全面用都唔會有好厚重粉感。
推薦俾鍾意底妝妝感偏自然透亮而又輕簿可以透出自身肌膚光澤度嘅sis使用。