KOSÉ

INFINITY 光感亮肌精華粉底

感謝@cosme 揀咗我一齊試用KOSE 的INFINITY光感亮肌精華粉底。 平日都冇用開粉底嘅習慣，出街都只係會搽防曬，所以今次嘅粉底試用對我嚟講都係初體驗。

一收到產品時，粉盒同粉底係分開嘅，粉底需要自己砌落去個粉盒入邊。大家如果拎出嚟嘅時候都要小心粉底嘅正反面（因為我冇為意就令粉底唔小心俾指甲揩花咗🥲）。粉盒外型係長方形黑色鋼琴光面，個人覺得幾好睇，亦都唔會太大個，可以方便帶出街補妝。

本身自己皮膚比較乾，呢排轉天氣，毛孔都有啲粗大，本身黑眼圈比較重，亦有少少色斑，泛紅問題。用咗KOSE 的INFINITY光感亮肌精華粉底後，上面感覺唔黏立，妝感自然，咁啱試用裝嘅粉底同我本身嘅膚色都接近，所以睇落好自然，再幫我添加咗光澤感，輕輕都遮到黑眼圈同少少色斑，改善咗泛紅，睇落精神咗。

暫時天氣未算好潮濕，出咗去成日都唔使點補妝，我估同我一樣皮膚比較乾嘅朋友仔，夏天都幾適合用呢一個粉底💖 都可以試吓啊