OLAY

水感透白光曜精華 (#水光小白瓶)

首先，好多謝Cosme 比我試用呢款Olay 水光小白瓶。最近成日捱夜，搞到皮膚好殘，暗沉無光澤。正正搵緊一款提亮美白嘅精華，希望可以改善膚色。

呢枝精華嘅設計好特別，輕輕一扭就會轉出滴管，按上面就會泵出精華。精華嘅質地好水潤，搽上面好快吸收。我好討厭黏笠嘅感覺，呢枝完全唔會，佢好水潤但極快吸收。搽完即時已經感覺超補濕，我皮膚屬於敏感肌，呢款可以安心使用。


第二日皮膚可見明亮左，冇咁暗沉同黃。另外，我都覺得額頭位同鼻兩側平滑左，可能因為佢好保濕。毛孔方面就未見明顯分別。



用完一個星期。感覺膚色明顯有去黃提亮，皮膚水潤度都提升左。毛孔無話明顯收細好多，但我覺得皮膚有滑左同有彈性。一枝可以做到美白同保濕，以佢個價錢，我絕對推介比所有人。