OLAY

水感透白光曜精華 (#水光小白瓶)

喺夏天準備到來嘅時候收到 @cosme 送嘅Olay新出嘅水光小白瓶
其實今次係我第一次用Olay嘅產品
好期待睇吓可唔可以幫到我美白

首先要讚嘅係小白瓶嘅包裝設計
佢係一扭開蓋已經會自動抽起適當份量嘅精華
咁就唔洗次次都要就住份量去㩒
我覺得好方便
我主要喺夜晚瞓覺前使用
精華本身流動性一般
但係出乎意料嘅係搽上面都幾輕薄
唔會好悶焗同痴笠笠
最近天氣時凍時熱 一時乾燥一時潮濕
用佢都可以保持到stable嘅狀態
同埋用咗一個禮拜左右有覺得塊面有提亮咗少少
膚色都均勻咗
整體望落氣色好咗 冇以前咁黃
至於皮膚毛孔平滑方面我就冇乜感覺

總結而言我覺得以呢個價錢黎講佢嘅效果算相當唔錯！
我見萬寧屈臣氏Olay成日有平
有興趣可以入手一試！