OLAY

水感透白光曜精華 (#水光小白瓶)

多謝 @cosme 邀請我使用2025年4月推出嘅新品 OLAY水光小白瓶。

佢嘅包裝係咁樣嘅：

玻璃不透明樽身入住美白精華，自帶滴管嘅設計，扭開扭開瓶蓋就能夠最出一泵嘅份量，令到每次拎出嘅份量都較一般設計精準，方便使用。

美白精華係與白色液體，一擠出嚟就聞到淡淡清新嘅香氣，質地偏乳液狀，流動性較高，按兩下就能夠迅速被吸收，滲透力驚人，搽完之後皮膚清爽唔黏笠，即使喺潮濕悶熱嘅天氣情況下使用亦都覺得好舒服。雖然面霜自帶香氣，但係完全冇引起任何敏感嘅症狀。喺試用嘅呢段時間，我每晚臨瞓前喺使用爽膚水之後都會用一泵水光小白瓶。

呢個係我使用前嘅皮膚狀況：


最近香港嘅天氣又曬又悶熱，我本身又係敏感偏乾嘅肌膚，有皮膚乾燥嘅問題，加上最近捱夜比較多，令到我嘅皮膚變得暗沉，膚色不均，而且毛孔粗大，皮膚粗糙。眼周、鼻翼側邊都有色素沉澱嘅問題。化妝嘅時候會因為皮膚乾燥同埋粗糙嘅關係，有時都會卡粉。



呢個係使用三日之後嘅狀態：


乾燥嘅肌膚得到滋潤，粗大嘅毛孔冇之前嘅明顯，皮膚比之前睇落冇咁粗。雖然眼周、鼻翼側邊依然有膚色暗沉嘅現象，但係面頰嘅皮膚嘅色素沉澱明顯變少，膚色亦開始有提亮嘅現象，上妝亦都冇咁容易卡粉。

呢個係使用七日後嘅狀態：

肌膚變得冇之前咁鬆弛，多返啲彈性同埋光澤。雖然毛孔依然粗大，但係比之前已經有逐漸改善嘅跡象。面頰嘅膚色進一步提亮，而眼周、鼻側嘅皮膚亦開始明顯提亮。化妝嘅時候亦都唔會再有卡粉嘅情況。

呢個係使用十四日後嘅狀態：

肌膚彈性進一步提升，變得彈潤飽滿，仲開始有光澤，好似打咗水光針咁。而且之前粗大嘅毛孔亦都開始變得細緻，粗大嘅毛孔全部隱形，即使素顏嘅情況下都好似開咗filter咁，自帶磨皮功效。面頰嘅肌膚比之前更提亮，白皙，連最難搞嘅鼻側同眼周嘅黑色素沉澱都逐漸變淡。化妝嘅時候亦都唔會再有卡粉嘅情況。

睇返資料，原來佢有升級嘅「革糖素PRO」，用以抑制肌膚變黃嘅元兇，做到有效地美白同埋兩倍袪黃，而且佢有高達99.7% 嘅B3 Niacinamide，能夠2.7倍抑制黑色素，做到美白嘅效果，所以先至可以短短地喺14日內令到我嘅皮膚又暗淡無光黑沉沉，變得亮麗白皙有朝氣。佢另外仲添加咗「控羰素」，配合埋升級嘅「BCE系統」，進一步令到肌膚，彈潤細緻。佢嘅成份溫和不刺激，即使炎炎夏日使用，亦都冇任何悶熱黏笠嘅感覺。喺一次相當令人滿意嘅體驗。