OLAY

水感透白光曜精華 (#水光小白瓶)

試用咗呢支精華15日，我真係覺得非常之滿意！我早晚都會搽佢。佢唧出嚟延展性好高，唧一下就已經夠用全面。佢一上面就已經好有光澤感，有好細好細嘅閃粉。聞落有淡淡嘅香氣，我用冇敏感嘅情況。

朝早化妝嘅時候會將佢溝埋粉底用，令粉底超級貼服！完全冇咗浮粉嘅問題。佢仲會薄薄咁透到少少光澤咁有一種天生好皮膚嘅感覺。夜晚瞓覺前用，第二朝洗面前照鏡都會仲有光澤感！喺四月尾呢啲咁熱又濕嘅天氣底下，其實單揸佢已經好足夠，唔需要再搽其他cream。

大家睇吓我day 1同day 15嘅對比圖。雖然毛孔仲喺度，但好明顯見到啲曬斑係淺色咗！塊面感覺都冇咁黃。效果真係好好，感動(´°̥̥̥̥̥̥̥̥ω°̥̥̥̥̥̥̥̥｀)


呢支小白瓶我係佢舊版嘅時候已經有用開而且已經用咗兩枝。我覺得新版比舊版流動性高咗少少，依然有齊晒舊版嘅所有優點。令我覺得最最最滿意嘅係，新版嘅小白瓶終於換咗個樽！以前每次淨係可以拎到一pump，老實講會有少少炆憎，依家呢個新想拎幾多就拎幾多！好感動！(´༎ຶོρ༎ຶོ`)我好肯定自己用完會繼續買佢。