OLAY

水感透白光曜精華 (#水光小白瓶)

感謝 @cosme 邀請試用 OLAY 水光小白瓶！本身都想試好耐啦😆


精華質感輕爽唔油膩，算係幾易於吸收，通常我查完佢就會搽埋防曬同碎粉，佢都唔會同防曬打交，反而仲貼妝咗 👍🏻啱啱開始使用嘅時候，我只有早上使用，感覺好好，佢有少少香味，但唔係假香，用佢去按摩塊面，除咗可以去吓水腫， 心情仲會好好咁展開新一日🤣

滴管設計都幾方便～


去到第二個禮拜，我開始夜晚都用，瞓醒見到塊面幾有光澤，充滿水潤感👍🏻 官方介紹話佢主力推 「暗．糙．黃．黑」4方面，我覺得四方面都有幾明顯嘅改善，可以睇吓圖
都真係幾大變化🤣🤣🤣效果最驚喜係，毛孔真係有變得細緻咗，我本身鼻翼側邊毛孔比較粗大🥲依家感覺好似開咗Filter咁磨咗皮，效果幾驚人！

本身眼底都有少少色斑， 都有減淡，整體面部嘅黃氣都有改善 ，而相信再用多一排，暗沉位同色斑可以再亮白啲！

結論係一定會回購😁👍🏻大家快啲入手試！用完真係 返唔到轉頭 🙏🏻