OLAY

水感透白光曜精華 (#水光小白瓶)

多謝 @cosme 邀請試用 Olay水光小白瓶。好鍾意呢個設計，旋轉扭開樽蓋，㩒一下就精準出一滴，精準控制用量，唔驚一下擠太多。擠出來會聞到淡淡嘅香味，精華質地比較似偏水狀嘅乳液，好易推開，比較水潤，我本身係混合偏油性肌，一開始係塊面度推開後會感受到有啲水潤嘅笠，過多陣感覺吸收左就無左笠嘅感覺，滋潤度感覺足夠。

平時有化妝嘅習慣，過去一個禮拜嘗試用精華代替妝前保濕，效果唔錯，上粉唔會卡住，做到保濕而又唔會黏笠，有稍微遮到鼻翼呢啲毛孔比較粗嘅地方，整體膚色睇落白左啲，但唔會假白。

整體效果幾好，適合早晚使用，香味唔會刺鼻，用完會考慮回購。