OLAY

水感透白光曜精華 (#水光小白瓶)

首先感謝@cosme抽中我試用Olay既水光小白瓶♡🦭

我自己一直都無用過Olay呢隻牌子，對佢既認知只有知道佢係國際大品牌同埋係香港好多地方都可以好輕鬆咁搵到佢。🫣

好，咁入番正題先。

第一樣都係講下個包裝同埋設計既實用程度。包裝係玻璃吸滴管，拎上手係有少少既重量既。抽出來既時候，有見到佢瓶入面有個膠。而個膠係要來移走你抽吸滴管出來個時上多餘既精華，呢個位真係好細心而且仲會多拎到而浪費！😳除左呢樣，佢個吸滴管既吸既位係禁制形式，唔係傳統個隻膠。本人覺得佢呢個設計好新穎同埋都算好用。👍🌸🌸

第二樣講番個精華先，就算包裝設計幾好幾方便如果最重要既產品唔好用一樣都係掰掰。🙂‍↕️

首先佢既質地係偏水微竭，上面非常之容易擦。顏色係白色，香味偏清爽。呢3點完完全全打中我既喜好，而且對於大眾來講非常之好。比我感覺每個唔同肌膚既人都可以輕鬆無負擔就用到。✨️✨️

本人肌膚係偏黃同埋好容易就會有暗沉既問題，但自己一直就唔太會去用美白產品。所以呢支去黃增加水光感對我來講就係我最需要既產品。🫣🫣

交代番自己既肌膚先，咁我自己就係混合肌偏乾。配合埋今次試既日子咁岩係香港既轉季時間，由微風到濕熱，都有經歷到。用法係早晚；早：清水洗面＞肌底＞爽膚水＞精華（Olay）＞面霜＞防曬。晚：洗面膏＞肌底＞爽膚水＞精華（Olay）＞面霜。 擦成塊面再重點擦嘴角位。擦完無敏感，無變紅，無唔適應。🎉🎉🎉

除左佢質地好容擦之外，佢效果真係好驚喜！😳😳嘴角位好明顯無咁暗，同埋成塊面明顯係氣色好左，真係變得水潤×剔透，有慢慢變水光肌既感覺！最有感係去黃既效果，好厲害😳但毛孔細緻就唔太覺眼有分別。🤔

今次連我家母有一齊用都覺得有效果同好好用。30ml，299HKD。性價比非常高！結果係超級推薦！我會比5星星🌟🌟🌟🌟🌟比佢😳！

未來一定會買番來用！♡♡

前：後：