Charlotte Tilbury

夢幻柔光粉氣墊

第一次抽中試用活動！超開心！感謝@cosme抽中，可以試用Charlotte Tilbury嘅新產品夢幻柔光粉氣墊（色號：2N）。一打開包裝已經心心眼，淺粉紅粉色軟皮質感配玫瑰金色logo，女生好難抗拒嘅配色！粉撲為水滴形設計，尖位方便鼻翼、眼底需要比較細緻嘅上妝位置。

粉底嚟講自己喜歡用氣墊粉底，因為妝感會比較透薄。用粉撲輕輕按壓就可以沾上適量嘅粉底液，然後再拍上面就可以輕易上妝。呢款粉底遮瑕度唔錯、臉上少少色斑、黑眼圈基本上已經遮到，毛孔亦都修飾埋，令膚質望上去更加細緻。上面之後帶有光澤感、水潤感，個人望落即刻精神咗。持妝度亦持久，基本上一整日，淨係T字位有啲脫妝情況出現（本人T字位容易出油）。

整體嚟講，試用效果好理想，會推薦俾各位。